Email

كرسى الاعتراف
عند مروة رخا

تلقيح صناعى

Email

إلى كل من نصح صاحبة هذه المشكلة بمواجهة والدتها

___________________________________________

انا من عائلة متوسطة و لسة بادرس فى الجامعة

Email

انا حكيلك على اكبر مشكلة في حياتي اللي عمري ما حكتها لحد ولا حد اقرب الناس لية ولا حد صحابي اوي

انا اول حاجة مصرية بس عايشة في بلد عربى ماما اول حاجة لمى كنا عايشين في مصر جة اعلان في الجرايد ان عايزين مدرسين يشتغلو في البلد دا ماما راحت وقدمت وقبلوها

بس الكفيلة شرطت عليها انها اول سنة تروح من غيرنا راح بابا قلها ماشي روحي لو انتي عايزة ماما قالت خلاص وابقى اجلكو في الاجازات

في واحد بقى هو دة المشكلة دة مدرس شغال عند جوز الكفيلة في مدرسة الاولاد

ماما بقى كانت عايشة في شقة هيا وثلاث مدرسات و مين بقى اللي كان بيخدمهم؟ هو الراجل دة. الراجل دة عندو اكتر من ستين سنة دلوقتي بس تشوفية ولا كانة عندو 20 سنة عايش ايام شبابة وشيك وجسمة حلو و عندو ولدين في مصر ومراتة تقدري تقولي مطلقين يعني ما بيكلموش بعض ولا حاجة عادي بس هما مرضوش يطلقو رسمي علشان الناس وعيالو لمى يتجوزو وكدة

ماعلينا

ماما كانت كل اجازة بتنزلنا وصاحبتها برضو بينزلو مصر بس مين بقى اللي كان بيروح معاهم علشان يشترلهم الهدايات غير الراجل دة ومن هنا ابتدتت العلاقة
وعدت السنة وجينا احنا البلد دا بس بابا ماجاش معنا و قعد سنة كان بيجي زيارات

دلوقتى هو جة واشتغل مدرس

لكن في خلال الايام الي بابا ماكنش موجود فيها مين بقى اللي عمل معانا الشقة اكيد هو الراجل كان كل يوم يجي ويخرجنا ويرجع يقعد يسهر معانا في البيت لغاية الساعة اتناشر وحدة وبقيت انا الاحظ ان في حاجة بين ماما وراجل دة بس قلت يمكن شك بس اتاكد لمى كنت ادخل عليها الاودة والاقيها عملا نفسها بتعلق الهدوم ورا الباب وتكلمة او تكون في الحمام او تعمل نفسها بتغير ولمى كنا نخرج معاة كانو يودونا مكان في العاب علشان يقعدة لوحدهم كانو بيقولولي اومي العبي مع اخواتك بس انا كنت برفض بس فالاخر كنت بقوم علشان خفت ماما تكرهني لاني انا حسيت وقتها قد اية ماما كانت بتحبة وماتقدرش تستغنى عنة

وبعدين عددت االسنة دي وبابا جة

بابا تقدري تقولي من النوع القديم شوية ما بيحبش راجل كل شوية داخل على بيتة و الراجل دة كان متعود كل يوم يتغدى او يتعشى عندنا بس لمى بابا جة منع كل دة شوية شوية بس حتى لمى بابا جية ماما كانت بتكلمة والراجل دة بيشتغل في نفس مدرسة بابا وبيكرهو كره

وبعدين عدد السنة كمان وانا شيفة كل حاجة وبسكت واعمل نفسي عبيطة ومش فهمة هيا كانت بتعمل اية واتطور الموضوع و بقا مكلمات بكاميرا ورسائل حب وحاجات كتير

وبعدين الراجل دة انا لحظت قعد مدة ماما ما بتكلموش ولا يكلمها بعدين لقيناة اتجوز وحدة اسمها نفس اسم ماما هو لسة متجوزها السنا دي ولغاية دلوقتي بتكلمو بنفس الطرق اللي قلتلك عليها وبفتح بصدقة لقيت سائل في معناها هيا بتقولو ابتعد وهو بكلامة بيسبتها ويخيها تفضل معاة

انا قريت الرسائل والكلام اللي كاتبه لها كل يدوب اي ست

بس ماما مش من حقها تدوب لانها متجوزة

ولسة امبارح مكلماة في الحمام

قوليلي دلوقتي اعمل اية اروح اواجها لو عملت كدة هتكرهني وتشلي حقد في قلبها وتعملني معملة مختلفة اكيد مش هتبقى معايا زي الاول ولا اروح اقول لبابا بس مش هينفع علشان كدة هبقى اكون دمرت بابا باديا وهندم واقول يارتني كنت سكت

قوليلي اعمل اية وما تقوليش ان العيب من بابا صدقيني انا كنت مفكرة كدة بس هو الاول كان فعلا في مشاكل اول ما جالنا البلد العربى وحصلت عركة كبيرة علشان سببب معين بس بعدها والله بابا اتغير خالص و رجع لطبيعتة ولطيبتة وحتى ماما قالت كدة قالت بابا اتغير خالص

 اعمل اية؟؟؟؟


معلش طولت عليكي في الكلام

Email

مروة انا سعيدة انى بكتبلك مروة انا خجولة جدا واعانى من عدم الثقة بالنفس انا بحب ابن خالتى ل5 سنوات هو وسيم وجرى جدا ودايما بخجل اكلمة حتى كلام عادى ودايما بتفرج من بعيد وهو بيكلم بنات وبعيط جامد  ودايما بتوتر لما بيكلمنى  فبقول كلام جارج لية وبعمل افعال غبية حتى انة قال علية معقدة وكئيبة لانى دايما ساكتة وحسة انى وحشة واقل من بنات خالتى علشان كدة بتجنب دلوقتى انى اروح المكان ال هو فية رغم انة بيوحشنى جدا وبتصل بنمر غريبة علشان اسمع صوتة من غير ما يعرف مين ال بتكلمة  ومن سنة اكتشفت انة بيحب واحدة جدا مش عارفة اعمل اية انا بحبة جدا  وساعات بحس انة حتى معجب بيا مرة لما ماما راحت عندهم سال عليا لية يا مروة ولما بروح عندهم بيرزل عليا  ويجلس معانا مع انة دايما بيخرج انا عارفة انى بوهم نفسى بس بجد انا قلبى بيوجعنى اوى ونفسى اقولة انى بحبة

Email

هاى مروة .. إيه أخبارك ؟؟ .. أتمنى أنك تكوني بخير .. بصراحة أنا بجد بحترم آرائك و شخصيتك و بتابعك على روتانا .. لأن أول ما شوفتك هناك حبيت أتعرف أكتر و حسيت أنك ممكن تساعديني .. أنا مش عارفه هقدر اكلمك إزاى هنا على مشكلتي لأني بصراحة مجربتش إنى أستشير حد قبل كده ماعدا طبعاً أصحابي البنات ...
أنا بنت عندى 16 سنة و اتعرفت على واحد كان صاحب حبيب صاحبتي و هى اللى عرفتنى عليه .. هو فى جامعة و عنده 20 سنة و بيشتغل حالياً .. و كان لسه خارج من علاقة خطوبة .. المهم أحنا اتقابلنا فبصراحة حسيت إنى أتعودت عليه بسرعة و حبينا بعض على طول بعد كام يوم كده .. المهم فضلنا مع بعض بس كان دايماً بتحصل مشكلات بيننا أصل ساعات صحبتى تيجى تقولى انه قال عليا حاجات مش كويسه و طبعا هى عرفت كده من حبيبها اللى هو صاحبه الروح بالروح .. وكان على طول يتحصل مشكلات من النوع ده و نتخانق على طول و كل لما اجى أقوله انت قلت كذا يقولى أنا مقولتش و لو كنت عايز أقول كنت هاقولك فى وشك مش من وراكى.. و فى نفس الوقت كان بيوصله كلام إن أنا قلت عليه كلام مش كويس و أنا عمرى ما قلت كلام مش كويس على حد فمبالك هاقول على حبيبي يعنى .. بس و كان على طول و معظم وقتنا بتحصل المشاكل دى و أهو كنا بنعديها فحصل موقف إن بابا عرف أنى كنت عارفاه فطبعا رفض علشان احنا عيلتنامتدينة شوية فطبعا ممنوع الكلام ده .. بس و انفصلنا بعد ماكنا مع بعض شهرين .. بس أنا بعد لما باب عرف قلت كمان أكون جمبه و مهما حل بس هو كان مبيردش على اتصالاتي و كان بيقفل الموبايل فقلتخلاص هو تخلى عنى وانا مش هجري وراه فانفصلنا بعديها و بعد علاقة دامت شهرين ..فأنا بقا عايزاكى تقوليلى رأيك فى حكاية المشاكل اللى كانت على طول بتحصل بينا بس اهو كنا بنعديها و نفتح صفحات جديدة ..
بس بعد ما انفصلنا طبعا طول الوقت كانت بتوصلى أخباره أول بأول لأن صحبتى كانت بتقولى عليها .. بس أنا كنت خلاص يعنى قربت انساه ..بس بعد شهر صاحبتى كانت مسافرة فقلنا نخرج قبل ماتسافر .. فخرجت معاها هى و حبيبها و مكونتش عارفه احنا رايحين فين هى بس قلتلى انها عملالى مفاجأة و قلت ماشى لكن مخطرش على بالى أنها تأخدنى عشان أقابله و بصراحة لما قابلته ادايقت .. إزاى وقت مايكونش عايزنى يبعد و وقت مايكون محتاجنى أروحله .. بس هى أقنعتنى انه بجد ندم واتغير و كل حاجة وبصراحة أنا حسيت أول ماشوفته إنه كان وحشنى قوى .. فبعد أسبوعيمن من الكلام عادى رجعنا لبعض .. وكنا عادى فى حب و كل حاجة بس جاتله فترة شغل و الفترة دى اللى أنا فيها دلوقتى..معدش بيتصل بيا خالص و كلم ماتصل بيه يقول مشغول فى الشغل أو يكنسل عليا و فين و فين لما بكلمه و معنتش عارفه أخباره ايه و بيروح فين مع العلم ان طول علاقتنا كان ديما مغرقنى اتصالات و بالساعات مكنش بيهمه بجد أى حاجة غير أنه يتصل بيا و يكلمنى بس دلوقتى انا مش عارفه هو بطل يهتم بيا ولا ايه أصل سمعت حلقتك عن الإهتمام فى الحب و عايزه بقا أخد رأيك .. فمعلش طولت عليكى بقصة حياتي ... بس يا ريت بجد يا مروة تجوبينى و هكون ممنونة ليكى ......

Email

مروه هو أنتي أيه رأيك في البنات ألي بيتعرفو علي ولاد من الشارع؟

Email

هاى مروة،انا مبسوطه اوى ان انا بكتبلك عشان انا بحب رايك وبحترمه.......انا ممكن تكون مشكلتى تقليدية بس احب اقولهالك ،واخد رايك.................

انا(23 سنه) معجبة جدا جدا بابن خالتى (29سنة)..طول عمرى معجبة به.......معجبة بشخصيته،تفكيره، وتربيته...... كل حاجه.......هى شخصية تحلم بيها اى بنت، راجل يعتمد عليه ويتحمل مسؤلية........ بس الاعجاب ده زاد اوى ممكن تقولى اتقلب لحب من اول السنادى (2009) بدانا نتكلم كتير على (ماسنجر) احنا ماكناش بنتقابل كتير او بنتكلم عشان هو كان عايش فى اسكندرية مع اهله وحتى لو اتقبلنا لما بيجى او لو احنا بنروحلهم بفضل ساكته او لو اتكلمت بيبقى قليل جدا معاه بس........

زى ماقلتلك بقى.......... بدانا نتكلم على النت، اقله على الحاجات اللى مديقانى وهو كمان ونحلها بعض وبنتكلم على كل حاجه فى حياتى وحياته كمان........وبدات احس منه بشوية اهتمام يعنى بيسالنى فطرت ولا لسه ولو لسه بيزعل شوية ويقولى لازم تفطرى كويس عشان ماتتعبيش وحجات من دى يعتى وساعات كان بيحس ان انا مديقه من غير مااقوله وكان بيسالنى مالك.. انا عارفة انك ممكن تقول لى ان ده عادى عشان هو ابن خالتى وخايف عليا بس انا ماكنتش حاسه بكده.............

وفى مرة ماكنتش اونلاين فلاقيتو بيتصل بيه وبيقولى مش اونلاين ليه فقلتله ان انا تعبانه وماروحتش الشغل فاقلى طبعا الكلام المعتاد سلامتك ولازم تاكلى كويس عشان انا ساعتها كان ضغطى واطى، بس ماتتصوريش مكالمته قد ايه بسطتنى وحسستنى باهتمامه وان انا فارقه معاه ......... اصل ايه اللى يخليه يتصل بيه.. ولاايه....

المهم، فى الفتره دى كنت عارفه انه مسافر(بلد عربى) وكان بيحضر ورقه و كنا بنتكلم فى الوضوع ده وانه متردد وخايف، بس انا كنت بطمنه ويقولى ادعيلى.. وفجاه عرفت انه مسافر بعد 3 ايام ... طبعا لكى ان تتصورى احساسى كان ايه ساعتها، اعيط شوية .... اطمن نفسى شويه انه طبعا هايفضل يكلمنى... وفى اليوم اللى كان مسافر فيه اتصلت بيه وحسيت انه مبسوط ........عايزه اقولك ان انا كالعادة ماقولتش حاجة هو اللى فضل يتكلم انه كان بيخلص شوية حاجات فى الشغل القديم وانه بيسلم على اصحابه ، واعد يقولى خالى بالك من نفسك ويتك عليها ولو فى اى حاجة مديقانى لازم اقوله وماخبيش وقاى فى الاخر (لا اله الا الله) وزى ماانتى بتقولىان دى مش بتتقال الا لو الشخص ده عزيز عليك...... ويمكن قالها عشان بنت خالته... مش عارفة؟؟؟؟؟؟؟؟؟؟؟

بليل حاسيت ان عايزه اكلمه بس قلت ابعتله ماسج احسن قولت فيها( خد بالك على نفسك وياريت لما توصل تطمنى لو عرفت لا اله الا الله) بس ياستى ده كل اللى انا قلته مااعتقدتش انها فيها حاجة واستنيت يرد على الماسج للاسف ماردش...تانى يوم عرفت ان هو وصل بالسلامة من اخوه بس كنت هاموووت واكلمه، فاقولت يمكن الاقيه اونلاين.. وفعلا لاقيته بس اول ماشفنى خرج على طول.. انا طبعا استغربت من تصرفه ده جدا وفى نفس الوقت اتصدمت ......ليه عمل كده؟ يمكن طلع صدفه؟ ماخدتش باله منى؟ مش عارفه.......قولت استنى لبكره اشوف هايعمل ايه وزى ماتوقعت......... عمل كده تانى..

انا دلوقتى عايزه اعرف هو عمل كده ليه؟ هل هو فعلا شاف ان دى الطريقه المناسبه اللى ينهى بيها الموضوع؟؟ وشعورى ناحيته كان ايه بالضبط؟؟؟ حب، ولا اعجاب، ولا مجرد تعود؟؟؟؟؟؟؟ بس انا حسيت منه باهتمام ......... انا خايفه اخسره و مارجعش اكلمه تانى........ ياريت تقوللى اعمل ايه واتصرف ازاى ، معلش طولت عليكى ..مستنيه ردك، سلام

Email

انا مخطوبة بقالى 9 شهور وطول فترة الخطوبة كنت بدى مشاعر جياشه بدرجة كبيرة جدا لخطيبى، لدرجة انه بقى بيمل من وجوده معايا لان دايما باتكلم معاه برومانسيه وكلام حلو اوى
المهم اعترف لى انه عقلانى جدا وعملى ومش هايقدر يحبنى بالطريقه اللى انا عايزاها
فقلتله انى هاكتفى بحبى له بطريقتى اللى خزنتها طول السنين دى عشان اللى يستاهلها
بس حتى ماكنش بيقدر مشاعرى تجاهه فبقيت بدى من غير مااخد اى مقابل
والمقابل اللى محتاجاه ده اكيد مقابل معنوى
المشكله انى رومانسيه وعطاءة لدرجة كبيرة فايه الحل اللى يخلينى استحمله لانه شايف انى انا المفروض اللى اتغير مش هو؟ وهل انا بس بضحك على نفسى بانى هاكمل وللا ده ممكن فعلا؟
ارجو الاهتمام بالموضوع بشكل جدى نظرا لاقتراب ميعاد الفرح الشهر الجاى
وشكرا

Email

كيفيك مروة  ممكن اقولك  يا( مرو ) وهو حجر نفيس. متزعليش انى شبهتتك بالحجر  بس علشان هو من الاحجار القيمة والغالية زيك كده.....  مرسى خالص انك تعبتى نفسك ورديتى عليا بعد ماافتكرت انك مش حتردى او حتهتمى .... اتقدملى اتنين(اترفضوا والحمد لله وحده) برده المهم ان فى واحد فيهم مكنش بيصلى وقال انه بيفوت فى الصلاة بس انا مكنش عندى استعداد لخوض التجربة مرة تانى وانا عارفة جدا ان العبادة والصلاة وغيرها من  امور الدين بتكون بين العبد وربه بس المفروض والواجب علينا ان ننصح الشخص ووننبهه انا مش اقول ان نأمر بالمعروف وننهى عن المنكر لانه ده ليه ناس متخصصة ولكن كأفراد عادين لازم نقوم بالواجب تجاه  دينا حتى و لو قليل  وعايزة قولك حاجة انا لما قلت لشخصين دول(قريبى_ والشخص الاخير)انهم يحافظوا على الصلاة  قلتلهم بطريقة محببة ومفيهاش اى اسلوب امر ولكن طلب وحرص ورجاء على مصلحتهم( وربنا يشهد على كده) المهم انا نص ندمانة علشان حاسة انى تدخلت فى ا مور شخصية .... ملحوظة انى لما رفضت الشخص الاخير ماذكرتش سبب الرفض لن فى حاجات تانى ولكن انا لما نصحته كان قبل مايطلب ايدى وكان خلال دورة تدريبية  وطبعا معملتى ليه كانت ومازالت كزميل واخ فقط لاغير .انا اسفة لانى طولت عليك

Email

أول شي مرحبا
انا عمري 16 سنه فلسطيني مقيم بسعوديه بحب بنت من اربع سنين تقريبا و بكون ابوها ابن عم والدي
و المشكله انو انا في بلد و هي في بلد من فترة انقطعت عنها لمدة 4 شهور تقريبا بسبب بنت تانيه و مع هل شي كانت عارفه انو انا ابعدت بسبب بنت و لسا كانت متعلقه فيي و بتحبني
و بعديها صحيت انا و لقيت حالي انو لعبت بعقلي هل بنت الي خربت بينا و رجعت احكيها و المشكله انو ما بشوفها بس بالصيف لحتى انزل ع فلسطين و انا بصراحه كتير تعبت ف ما بعرف اوقات بفكر و بقول يمكن حبنا غلطه و اوقات بقول لا رح نكمل مدام منحب بعض و بنسى المسافي الي بينا انا وياها

و كنت شوفها طبعا بصيف و روح و ايجي معها بس تعبت كتيييييير انو ما بشوفها بس بصيف و انا بخاااف عليها يعني انا مو قريب منها لحتى اعرف مين حواليها و مين بيحكيها و الي شاغل بالي رفيقها بالمدرسه دايما بكون معها و بكون حدها و هم كتير رفقا و انا خايف مع زمن انو يملا مكاني بقلبها و تروح وتنسناني انا مو عارف حبنا صحيح او لأ  كنت احكيها و امها عرفت اكتر من مرة و امها حكتني اول مرة و وعدتهاو ما احكيها للبنت بس ما قدرت ورجعنا نحكي ف هلأ فيك تقولي امها بتعرف بقصتنا و اخوان البنت و انا والدي بيعرف  ف شو الحل نبقى نكمل او نفترق و المشكله انو قد بعض بالعمر انا وياها يعني لو فكر للمستقبل لقدام بتوقع تكون صعبي علينا